Lu Sicilianu lingua ufficiali di l’unioni europea ?

Palermo, 14/06/2005

L’Àutra Sicilia, assuciazioni ntirnaziunali a difisa di la Sicilia e di li Siciliani, ascuta cu granni suddisfazioni ca tri lingui minuritari di la Spagna (lu Catalanu, lu Bascu e lu Galizianu) àppiru lu ricanuscimentu parziali di lingua ufficiali di l’Europa.


Stu ricanuscimentu l’avìa prima sulu lu Gaèlicu di l’Irlanda (c’accamora addivintò o stà addivintannu lingua ufficiali comu a tutti l’àutri) e si stà pinzannu macari pi lu Lussimburghisi: in pràtica li citatini europei ànnu dirittu di scrìviri nna ssi lingui e di aviri risposta di li stituzioni europee nna la stissa lingua e d’aviri traduciuta tutta la ligislazioni europea sempri nna ssi lingui.

Picchì nun si po fari lu stissu cu lu Sicilianu, chi è parratu, tra Siciliani di Sicilia e di l’èstiru, Calabrisi e Salintini, di quarchi deci miliuni di cristiani, sulu p’arristari in Europa?


‘Un fussi un fatti di granni valuri simbòlicu pi la rinàscita culturali di lu Nostru Pòpulu?
A la nostra rapprisintanza pulìtica a lu Parlamentu Europeu la risposta…

L’Àutra Sicilia –


a difisa di la Sicilia e di li Siciliani